A Man's A Man for A' That.

Is there for honest poverty
That hings his head, an a' that? ( hangs)
The coward slave, we pass him by -
We dare be poor for a' that!
For a' that, an a' that,
Our toils obscure, an a' that,
The rank is but the guinea's stamp,
The man's the gowd for a' that. ( gold)

What though on hamely fare we dine,
Wear hoddin grey, an a' that? ( coarse woollen cloth)
Gie fools their silks, and knaves their wine -
A man's a man for a' that.
For a' that, an a' that.
Their tinsel show, an a' that,
The honest man, tho e'er sae poor,
Is king o men for a' that.

Ye see you birkie ca'd 'a lord,' ( fellow)
What struts, an stares, an a' that?
Tho hundreds worship at his word,
He's but a cuif for a' that. ( fool)
For a' that, an a' that,
His ribband, star, an a' that,
The man o independent mind,
He looks an laughs at a' that.

A prince can mak a belted knight,
A marquis, duke, an a' that!
But an honest man's aboon his might - ( above)
Guid faith, he mauna fa' that! ( must not)
For a' that, an a' that,
Their dignities, an a' that,
The pith o sense an pride o worth.
Are higher rank than a' that.

Then let us pray that come it may
[As come it will for a' that],
That Sense and Worth o'er a' the earth,
Shall bear the gree an a' that. ( have priority)
For a' that, an a' that,
It's comin yet for a' that,
That man to man, the world, o'er
Shall brithers be for a' that.

Rabbie Burns

Article Source: http://www.rsspoetry.com

Norma Allan runs several article based web sites. A poet and writer

• Itempad For general articles. Please visit if you are interested in publishing online. rsscatalogue
  • youbigtube.com For Scotlands version of web 2.0

    Please Rate this Poem

    5 out of 54 out of 53 out of 52 out of 51 out of 5 

    Not yet Rated

    
    Click the XML Icon Above to Receive Burns Poetry Via RSS!
    Additional Articles From - Home | Burns
    • Baby Strollers - For Stylish Tots - By : Centutz
      
    • Automatic Garage Doors - Pros and Cons - By : Simon Symbotic
      
    • Lubricants For The Modern Woman - By : mypost4u
      
    • Holly Willie's Prayer. - By : Norma Allan
      
    • To Miss Isabella Macleod - By : Norma Allan